Deputetët e opozitës, me në krye Gazmend Bardhin kanë paraqitur një kërkesë Gjykatës Kushtetuese për pezullimin dhe shfuqizimin e ligjit të qeverisë që nuk pajis për 5 vite me diplomë mjekët e rinj.
Me këtë kërkesë deputetët i janë bashkuar kërkesës së studentëve të Mjekësisë, të cilët që prej fillimit të vitit akademik kanë protestuar dhe bojkotuar.
Lajmin e ka bërë të ditur Kryetari i Grupit Parlamentar të PD, Gazment Bardhi, përmes një postimi në rrjetet sociale.
“Grupi Parlamentar i PD ka mbështetur kërkesën e studentëve të mjekësisë për të kundërshtuar në Gjykatën Kushtetutese ligjin që pezullon diplomimin e mjekëve të rinj për 5 vite. Duke respektuar reagimin e studentëve dhe protestën e tyre, pa asnjë ndërhyrje politike, apelojmë edhe njëherë për Qeverinë që të dëgjojë zërin dhe shqetësimin e studentëve dhe ti jap zgjidhje kërkesave të tyre” shkruan Bardhi, në një postim në X.