Drejtuesi i një motori është plagosur në aksin rrugor Levan – Tepelenë, pasi u përplas me një makinë.
Aksidenti ka ndodhur rreth orës 12:15, në vendin e quajtur “Kryqëzimi i Fratarit”, Sipas Policisë, automjeti tip “Volkswagen”, me drejtues shtetasin me iniciale H. K., është përplasur me motomjetin me drejtues shtetasin B. Ll.
Për pasojë, drejtuesi i motorin është plagosur dhe është dërguar në spital, ku ndodhet jashtë rrezikut për jetën.
Nuk dihet nëse ka qenë parakalim i gabuar, shpejtësia jashtë normave të lejuara apo shkaqe të tjera që shkaktuan përplasjen e mjeteve. Pritet hetimi për zbardhjen e ngjarjes.