Një incident i rëndë ka ndodhur mbrëmë në Shkup, në rrugën e njohur si “Rruga e Plastikave”, ku ka mbetur i vdekur një person dhe tre të tjerë kanë mbetur të plagosur.
Në këtë përleshje me armë ka mbetur i vdekur këngëtari dhe blogeri, Amar Ismani.
Familjarët e Amarit kanë konfirmuar vdekjen e tij përmes rrjeteve sociale.
“Të Allahut jemi dhe tek ai do kthehemi. Me zemër të thyer e të pikëlluar ju njoftoj se ka ndërruar jetë djali/vëllai jonë Amar Ismani. Ceremonia e varrimit do të bëhet sot me namazin e Iqindis në xhamin e Cairit, dhe pastaj te varrezat në Butel”, kanë shkruar familjarët në Facebook.
Raportohet gjithashtu se të plagosur kanë mbetur edhe tre persona të tjerë. Në vendin e ngjarjes është parë ambulanca dhe një numër i madh i policisë.