Fluksi i lartë i automjeteve gjatë ditëve të verës ka sjellë gjithashtu dhe shumë shkelje të rregullave të qarkullimit rrugor.
Policia raporton se në të gjithë vendin gjatë javës që lamë pas, janë arrestuar plot 56 persona të cilët janë kapur duke drejtuar automjetet e tyre në gjendje të dehur ose pa patentë.
Gjithashtu raportohet se janë vendosur mbi 22 mijë gjoba dhe janë pezulluar 161 leje drejtimi.
Këto gjoba janë vendosur për:
– 6212 për shpejtësi tej normave të lejuara;
– 1123 për përdorim të celularit gjatë drejtimit të mjetit;
– 1125 për mospërdorim të rripit të sigurimit;
– 2100 për parakalime të gabuara;
– 178 për mosvendosje të kaskës mbrojtëse;
– 108 për manovra të rrezikshme në rrugë;
– 213 për drejtim të mjetit në efektin e alkoolit;
– 9229 për parkim të gabuar;
– 1972 për shkelje të tjera të Kodit Rrugor.
Gjatë javës që kaloi, është goditur nga Policia Rrugore e Tiranës, 1 rast i tentativës për të korruptuar punonjësit e Policisë, me qëllim shmangien e masave administrative për shkeljen e konstatuar.