Në një seancë që ka zgjatur vetëm pak minuta në dhomën e një spitali privat, të miturit M.P iu komunikua masa e arrestit me burg për vrasjen e Martin Canit .I mituri u njoh me masën e sigurisë teksa ndodhej i shtruar në një spital privat në kryeqytet.
Ndërkohë , grupi hetimor është rikthyer në vendin ku ndodhi ngjarja pranë shkollës 9-vjeçare “Fan Noli”.
Mësohet se grupi hetimor ka sekuestruar kamerat e bizneseve në rrugën ku ndodhi vrasja, për të hedhur më shumë dritë në ngjarjen që tronditi vendin.
Paraprakisht dyshohet se autori është larguar me vrap pasi ka qëlluar me thikë dy bashkëmoshatarët e tij.
Dyshohet se ka pasur persona të tjerë që kanë marrë autorin dhe e kanë larguar nga vendngjarja, pasi ai vetë u lëndua dhe u dërgua menjëherë në spital privat për mjekim
Vrasja e nxënësit të klasës së nëntë ndodhi 200 metra larg shkollës 9-vjeçare “Fan Noli” në kryeqytet. Pas një konflikti mes adoleshentëve, mbeti i vrarë Martin Cani dhe u plagos shoku i tij, ky i fundit ndodhet ende në spital.