Ditën e sotme trajneri Sylvio Mendes Campos Junior ka shpallur edhe listën e futbollistëve që do të ketë në dispozicion.
Në listën e përbërë nga 25 futbollistë ka ndryshime të pakta në krahasim me sfidat ndaj Çekisë dhe Polonisë në shtator. Rikthehet me Kombëtaren sulmuesi Armando Broja, i cili e ka lënë pas dëmtimin në gju dhe së fundmi edhe ka luajtur me Celsin në Premier Ligë. Këtë herë do të mungojë Odise Roshi, ndërsa pjesa tjetër e futbollistëve janë konfirmuar nga ana e trajnerit brazilian të Kombëtares.
Shqipëria do të nisë zyrtarisht përgatitjet të hënën, më 9 tetor, në “Shtëpinë e Futbollit”. Lojtarët do të grumbullohen në kryeqytet, ndërkohë që është programuar që trajneri Sylvinho të dalë në konferencë për mediat ditën e shtunë prej orës 11:00 në sallën e konferencave në “Shtëpinë e Futbollit”.
Kombëtarja kuqezi do t’i luajë në “Air Albania” të dyja ndeshjet e tetorit. Fillimisht Shqipëria përballet me Çekinë më 12 tetor, prej orës 20:45, ndërsa më pas në program është miqësorja me Bullgarinë më 17 tetor, ora 18:00. /FSHF
Porta
Etrit Berisha
Thomas Strakosha
Elhan Kastrati
Mbrojtja
Berat Gjimshiti
Ardian Ismajli
Ivan Balliu
Arlind Ajeti
Mario Mitaj
Elseid Hysaj
Enea Mihaj
Frederic Veseli
Mesfusha
Ylber Ramadani
Klaus Gjasula
Kristjan Asllani
Nedim Bajrami
Arbnor Muja
Keidi Bare
Qazim Lacci
Sulmi
Mirlind Daku
Sokol Cikalleshi
Armando Broja
Ernest Mucci
Myrto Uzuni
Jasir Asani
Taulant Seferi