Aksident i trefishtë në tunelin e Kalimashit: Autoboti përplaset me dy makina, ndërrojnë jetë 2 persona! Një aksident i trefishte me pasoje vdekjen e 2 personave ka ndodhur në tunelin e Kalimashit në aksin Milot-Morinë.
Rreth orës 17:45, në tunelin e Kalimashit, janë përfshirë në një aksident rrugor automjetet tip “Benz” me drejtues shtetasin A. B., banues në Tropojë, automjeti tip “Ford”, ku udhëtonin shtetasit S. O., N. O., dhe I. L., banues në Kosovë, si dhe autoboti me drejtues shtetasin Sh. S., banues në Kosovë.
Nga aksidenti kanë humbur jetën dy shtetas, ndërsa 3 shtetasit e tjerët po marrin mjekim dhe ndodhen jashtë rrezikut për jetën.
Kjo ka bërë që të bllokohet edhe njëra prej lëvizjeve të tunelit duke krijuar radhë dhe vështirësi në qarkullim. Grupi hetimor po punon për përcaktimin e shkaqeve të aksidentit.