Të shtënë me armë janë raportuar drejt një biznesi në Fier, por nuk ka pasur të lënduar.
Ngjarja ka ndodhur ditën e sotme rreth orës 15:30, në fshatin Fermë Çlirim.
Në informacionet parapake 30-vjeçari Geraldo Mahmuri, ka qëlluar me armë drejt berberhanes së 33-vjeçarit Bledar Koçi, i cili mendohet se nuk ka lidhje me ngjarjen.
Policia ka mbërritur në vendin e ngjarjes dhe vijojnë krehjen e zonës me qëllim kapjen e autorit.
Grupi hetimor në drejtimin e Prokurorisë po punon për zbardhjen e plotë të rrethanave të ngjarjes.